رواية احببته رغما عني الفصل الرابع 4 بقلم شيماء محمد
البارت الرابع ♥️🌹
_روحى ....صباح الخير أنا حامل ....وراح حضناه
هاجر (بصدمة)_ايه وانتى مين اصلا
التفت البنت ليه وقالت لها_انتى اللى مين ؟! خالد مين دى
خالد_اصل ...
_أصل ايه وز*فت ايه انت مش وعدتنى انك هتبطل تسهر وتج*يب بنات معاك البيت ،لا وكمان ماشاء الله عليك جايبها بتعرف تصلى وقاعدة على سجادة الصلاة
هاجر(بعصبية)_إحترمى نفسك يا أستاذة لو سمحتى أنا مش بتاعت الكلام دا أنا مراته
(بضحك)_لا وكمان مفهمها إنها مراتك ،لا وكان واقفة على سجادة الصلاة ايه المرة دى كنت بتتقبلوا فين فى الجامع
هاجر(بعصبية)_بقولك ايه ياأستاذة انتى ....ولسا هتكلم خالد زعق فيهم
خالد _بس إنتو الإتنين ايه أنا مش مالى عينكم
_أصل ....
خالد_خلاص ياروما ايه انتى بتنتجى ألف كلمة فى الدقيقة مش بتبطلى ايه دخلا فينا زى القطر كدا ليه
روما_بس .....
خالد_مابسش ياروما دى فعلا مراتى وإحنا إتجوزنا إمبارح وأبوكى هو اللى دبسنى
روما_الحمد لله ريحت قلبى
بقلم شيماء محمد (زهرة الجناين)✍🏻
خالد_وبعدين تعالى هنا .....راح مسكها من ودانها ..... أنا من إمتى وأنا بسهر برا هااا من امتى حتى بجيب بنات معايا البيت
روما_ماتزعلش منى ياكبير دا أنت بهزر معاك 😁
خالد_ايوا كدا خدى جانب وإرجعى لورا
روما _استنى إنت كدا دلوقتى أما نرحب بيها ،ازيك ياجميلة أنا روما أخت الأستاذ دا
هاجر_أهلا وسهلا بحضرتك أنا هاجر أحمد الشامى
روما_انتى بنت عمو أحمد دا والدى بكلمنا عنه كتير وقد ايه هو كان صاحبه وأعز أصحابه ...ايه يابنتى حاطة ايدك على وشك كدا ليه
خالد(بإستهزاء)_أصلها منقبة
روما_بجد 😃
هاجر_أول إسمها منتقبة لان منقبة معناها مخ*رمة وثانيا أنا فخورة إنى منتقبة
خالد_ومالك فخورة كدا 😏
روما_استنى إنت بس على جانب ،بجد انتى منتقبة
هاجر _ايوا ياروما أنا منتقبة
روما _كان نفسى من زمان حد يشجعنى على الحجاب ،يابنتى شيلى ايدك من على وشك مفيش حد غريب دا أنا وجوزك
هاجر_بس ....
روما_ مابسش شيلى ...شيلى
....شالت هاجر إيدها من على وشها وظهرت ملامحها الطفولية الجميلة واللى كان الحجاب زيدها جمال على جمالها ....
روما (بصدمة )_بسم الله ماشاءالله...انتى أمورة اوى
هاجر(بكسوف)_شكرا ليكى ياقمر
روما_مش كدا يا خالد هى عسولة اوى لا دا أنا هأخدك عندى الأوضة أقعد أتأمل ملامحك علشان النونو يطلع زيك ،مش كدا يا خالد ...خالد
...فضلت روما تنادى على خالد وهو متنح قدام هاجر وبصت روما عليه وقعدت تضحك عليه وقتها دخلت رونق الأوضة .....
رونق_ايه إنتو بتضحكوا على ايه كدا
روما(بضحك)_تعالى شوفى أخوكى متنح ازاى
رونق(بضحك)_ايه ماله متنح كدا ليه
روما_بصى كدا قدامك على القمر دى
رونق_بسم الله ماشاء الله مين الم*زة دى
روما_دى مرات اخوكى خالد
رونق(بصدمة)_نعم ياختى ،اخوكى خالد يعرف البنات الحلو دى ،دا آخره يعرف واحدة زى سوزى
روما_اكتمى انتى بتقولى ايه
رونق_اوبس أنا عكيت الدنيا ولا ايه
خالد_ها خلصتوا انتم الإتنين
روما ورونق_لا .....وطلعوا الإتنين يجروا من الأوضة
......هاجر فضلت تضحك عليهم وخالد كان بيبص عليها وبيبص على شكل ضحكتها هاجر بعدها إتكسفت وسكتت.....
خالد_ على فكرة دول إخواتى البنات روما ورونق ،روما الكبيرة جاية بعدى على طول متجوزة من ابنى عمى ورونق عندها لسا 17 سنة لسا صغيرة دى أخر حاجة ربنا رزقنا بيها
هاجر _ماشاء الله عليهم ربنا يحفظهم يارب
خالد_أما بقا والدتى فربنا أحد أمنته منها بدرى وما*تت فى حا*دث عربية
هاجر_ربنا يرحمها يارب بس حضرتك ليه بتقولى كل دا
خالد_يعنى علشان حتى لو انتى مراتى بالإسم لازم تعرفى عننا شوية علشان حتى نكون قدام والدى على الأقل مبسوطين
هاجر _تمام .....و
كانت هاجر لسا ها تتكلم حد خبط على الباب ....
خالد _إدخل ...
دخل واحدة من المساعدين اللى فى البيت وقالت _ البيه الكبير مستنى حضرتكم تحت يا أستاذ خالد
خالد_طب انزلى وإحنا نزلين اهو ....يلا يا علشان ننزل تحت
هاجر _ تمام هغير هدومى وهلبس النقاب
......وبعد شوية تحت على السفرة الكل متجمع علشان يفطروا مع بعض زى اى بيت مصرى ...
رونق (بمشاكسة)_مش تقولنا يا حجوج إنك شوفت عروسة لخالد وجوزته كمان ايه إحنا مش من العيلة ولا ايه
أشرف_إتلمى يارونق إحنا على الصبح
روما_ايوا يابابا إحنا برضو كنا المفروض نعرف
أشرف_وأنا اللى بقول عليكى العاقلة
خالد_ لا ماهو الحمل طير برج من دماغها
أشرف ورونق_ انت بتقول ايه ...وبصوت هما الإتنين لروما
روما_ ايه يا جماعة فى ايه
أشرف _انتى بجد حامل يابنتى
رونق _أنا خلاص هبقى خالتو
......هنا دخلت بنت عليهم لابسة الهدوم لا تليق بالمكان اللى هى داخلة فيها وأول ما دخلت جرت على خالد......
_بيبى صباح النور انتى وحشتنى اوى
خالد_صباح النور ياسوزى
...وقتها خالد وقف وحضنها من غير مايراعى حتى شعور هاجر اللى كانت قاعدة جانبه .....بقلم شيماء محمد (زهرة الجناين)✍🏻
سوزى_إخص عليك كدا تسبنى من امبارح معرفش عنك حاجة
خالد _معلش والله ياسوزى اصلا ....
أشرف(بعصبية)_أصله إتجوز
سوزى_ايه حضرتك بتقول ايه
أشرف_اللى سمعتيه ....يعنى تبعدى عنه كدا
رونق همست فى ودن روما_ايوا كدا ياحجوج اعطيها فى جنبها
_سلامو عليكم
أشرف_وعليكم السلام يابنى
.....روما قامت وجرت عليه وحشتنى أوى ياحبيبى ايه كدا كل دا عندك شغل يومين وراجع ...
_معلش والله ياروحى
خالد_ اهلا وسهلا ازيك يا إبن عمى عامل ايه
_الحمد لله يا خالد إنت إنت عامل ايه أنا سامع صوتك من برا
أشرف_الاول بارك لإبن عمك يامروان أصله إتجوز
مروان (بصدمة وبص لسوزى)_الف الف مبارك بس مش تعرفنا
أشرف_هى جات كدا يابنى
مروان_ طب مش تعرفنا على العروسة
أشرف_أقدملك هاجر مرات إبنى
مروان(بصدمة)_انتى .....؟!
هاجر_حضرتك عامل ايه يا دكتور مروان
أشرف_ الله انت طلعت الدكتور بتاعها
مروان_ايه .....اه
أشرف_الأهم من كل دا مراتك حامل يابنى
مروان(بصدمة)_ نعم ......؟!
روما(بإستغراب)_ايه إنت مش فرحان ولا ايه ،مالك إتصدمت كدا
مروان_ لا ما إتصدمتش ولا حاجة دا أنا فرحان بس ....
روما_بس ايه
مروان_ لا ما تأخديش بالك
رونق_ ايه يا أنسة سوزى انتى لسا واقفة 😏مش دى مشاكل عائليه ايه اللى موقفك كدا
خالد(بعصبية)_ رونق إحترمر نفسك
سوزى(بدلع وتمثيل)_لا انا زعلانة يابيبى أنا مش هحرج نفسى أكتر من كدا
.....وطلعت تجرى برا البيت وخالد طلع يجرى وراها ....
خالد(بغيظ)_انتى حسابك معيا بعدين يارونق .... وطلع يجرى ورا سوزى ...استنى ياسوزى استنى ....
هاجر. _عن إذنكم يا جماعة ....وطلعت فوق على أوضتها ...
خالد_استنى ياسوزى ...استنى بس هفهمك
سوزى(بتمثيل )_لا أنا زعلانة منك اوى يا خالد ازاى تسمح لأختك تكلمنى كدا
خالد_ ماتزعليش يا سوزى حقك عليا
سوزى_نفسى اخواتك يحبونى زى ما أنا بحبهم
خالد_ صدقينى هيحبوكى بس اعطيهم وقت زى ما أنت حبيتك هما هيحبوكى
.......وراح واخدها فى حضنها وكل دا وهاجر شيفاهم من الشباك هى ما تنكرش إن جوازهم كان صدفة وعلى الورق بس حسيت إنها زعلانة ....حاولت تشغل نفسها بأى حاجة بس إفتكرت إن تليفونها لسا تحت جات تنزل علشان تجيب سمعت ....
_بقولك ايه إحنا لازم نخلص من الحمل دا ولازم نخلص من التانية اللى دخلت لينا دى
....ولسا هاجر هتروح عند الصوت فى حد زقها من على السلم ........
رونق(بصدمة )_هاجر .....؟!
#يتبع بقلم شيماء محمد (زهرة الجناين)✍🏻
#أحببته_رغما_عنى ،
دمتم فى أمان الله وحفظه ،حفظ الله شعبنا الحبيب فى فلسطين ❤️❤️
